四小花旦未夠班 無綫長揸阿佘

四小花旦未夠班 無綫長揸阿佘

已經轉投北京經理人公司的佘詩 曼，最近同陳豪為無綫新劇《4 in Love》趕工，雖然已計劃好這段時間要接拍大陸劇，但由於無綫一班新紮花旦仍未成大器，無論演技或叫座力都不夠穩定，導致多位監製繼續搶住搵阿佘回巢幫 拖。念舊又講義氣的阿佘，對一班曾經提攜過她的監製亦無法拒絕，於是原本每年只簽二十集部頭約，亦要超額完成，加上剛落實明年接拍《金枝慾孽2》，阿佘進 軍大陸計劃，又受阻。 捧新一姐 佘詩曼離巢，一姐位置懸空，有消息指無綫今年將會力捧「親生女」做視后，頂替阿佘一姐位置，當中以鍾嘉欣、胡杏兒、陳法拉同楊怡被睇高一線。可是，四位花旦無論演技、收視同賣埠保證，始終同阿佘仍有一大段距離，為此，無綫一班監製，依然堅持搵阿佘孭飛拍大製作。 明年拍《金枝2》 「阿佘唔再同無綫簽經理人合約，轉簽三年部頭，每年拍二十集，原本諗住其他時間可以放晒喺大陸，點知好多無綫監製都仲繼續搵阿佘開劇；阿佘見個個都係老 友，啲劇本好多都好吸引，好似而家就拍緊阿戚（戚其義）部《4 in Love》，出年又話拍佢部《金枝慾孽2》，所以得番好少時間拍大陸劇。」一名幕後工作人員說。除了金牌監製戚其義搶住用阿佘，今年叫好叫座的《怒火街 頭》亦將會開拍續集，同樣是打阿佘主意，另外，《公主嫁到2》亦計劃原班人馬再開，事實擺在眼前，被力捧上位的四位花旦，根本不及阿佘搶手，尤其大製作劇 集，更加不敢貿貿然讓四人孭飛。